पत्रकार हत्या के सुपारी मामला: तहसीलदार सुरेंद्र साय पैंकरा समेत 8 जेन ऊपर FIR
सूरजपुर | विशेष रिपोर्ट-सूत्र सूरजपुर जिला मं पत्रकार मनखे के आवाज दबाय के एक बहुत गंभीर मामला सामने आय हे। प्रशासन अऊ भूमाफिया के गठजोड़ ले पत्रकार के हत्या के सुपारी देय के आरोप मं लटोरी तहसीलदार सुरेंद्र साय पैंकरा, भूमाफिया संजय गुप्ता, हरिओम गुप्ता, तथाकथित पत्रकार फिरोज अंसारी, ओकर साला असलम समेत 8 जेन आरोपी ऊपर प्रतापपुर थाना मं FIR दर्ज करे गे हे।
भ्रष्टाचार उजागर करना बन गे गुनाह
आरोप हवय के तहसीलदार सुरेंद्र पैंकरा कलेक्टर के अनुमति बिना, पटवारी रिपोर्ट बिना अऊ नियम कानून ला ताक मं रख के जमीन के फर्जी रजिस्ट्री कराय रहिस। जब पत्रकार मन ये घोटाला ला उजागर करिन, तब SDM सूरजपुर तहसीलदार ला नोटिस जारी करे रहिस, फेर चार महीना बीत जाय के बाद घलो जांच रिपोर्ट अब तक लंबित हे।
धमकी ले हत्या के साजिश तक
जांच मं सामने आय हे के फर्जीवाड़ा मं शामिल भूमाफिया संजय गुप्ता अऊ हरिओम गुप्ता पहिली पत्रकार मन ला धमकाय रहिन। खबर बंद नई होय त डेढ़ लाख रुपिया मं पत्रकार प्रशांत पाण्डेय के हत्या के सुपारी देय गे।
हत्या के तीन नाकाम प्रयास
पुलिस मुताबिक हत्या के कोशिश तीन बेर करे गे —
1- सिरसी गांव बुला के ट्रक ले कुचलाय के योजना,2- शूटर असलम के जरिए हत्या कराय के तैयारी,3- 20 सितंबर के रात बनारस मार्ग मं कार ले कुचलाय के प्रयासl तीनों बेर किस्मत ले पत्रकार के जान बच गे।
ग्रामसभा मं खुल गे पूरा राज
हरिपुर ग्रामसभा के दौरान आरोपियन के बीच आपसी विवाद होइस अऊ पूरा साजिश जनता सामने आ गे। आरोप हवय के संजय गुप्ता भरी पंचायत मं धमकी अऊ सुपारी देय के बात स्वीकार करत माफी मांगे, जबके हरिओम गुप्ता पंचायत के बाहर फैसला करे के बात कहिस।
ये मन ऊपर दर्ज होइस अपराध
FIR मं शामिल आरोपी —सुरेंद्र साय पैंकरा (तहसीलदार, लटोरी),संजय गुप्ता,हरिओम गुप्ता,प्रेमचंद ठाकुर,अविनाश ठाकुर,संदीप कुशवाहा,फिरोज अंसारी असलम
पुलिस कहिथे के मामला के जांच तेज चलत हे अऊ जल्दीच आरोपियन ऊपर कड़ा कानूनी कार्रवाई होही।
चार महीना ले जांच लटकाय गे
अब सबसे बड़ा सवाल ये हे के जब मामला अइतका गंभीर हे अऊ FIR घलो दर्ज हो गे हे, त SDM स्तर के जांच चार महीना ले काबर अटके हवय? ये लापरवाही हे या फिर भ्रष्ट अधिकारी ला बचाय के कोशिश — ये बात अब जनता पूछत हे।
Author: mantantra24
